zondag 7 januari 2024 om 09:30

Foar de tsjinst: liet 867

1 Sjong, ierde_en al wat libbet, ta de ear

fan God de Hear!

De himel heech en ljocht

wurdt rom en eare brocht,

rûnom oer de_ierde giet

ta lof fan God in liet.

Sjong, ierde_en al wat libbet, ta de ear

fan God de Hear!

2 Sjong, ierde_en al wat libbet, ta de ear

fan God de Hear!

Sjong, tsjerke, bliid fan sin

dat elk it hearre kin,

mar ’t ynlikst liet begjint

yn ’t hert dat Him bemint.

Sjong, ierde_en al wat libbet, ta de ear

fan God de Hear!

Wolkom en Meidielings

* Ps. 24: 1,5

1 De hiele ierde_is fan de Hear,

de wrâld yn al syn hear en fear,

mei dy’t hjir wenje allegearre.

Hy joech har plak mei eigen hân;

út wetter riisde berch en lân,

doe’t Hy har op ’e see fûndearre.

5 Til, poarten, heech jim bôgen op!

Oerâlde doarren, hear de rop:

Dêr komt de kening heech yn eare!

Wa is dy foarst fan sterkte_en pracht,

de God fan himels legermacht?

Dy sterke kening is de Heare!

Stil gebed, bemoediging en groetenis

Lêze: Hertslach, Liet 10

Kyriëgebed

Liet 511: 1,2,5,6,7

1 Troch goede machten trou en stil behoede

fiel ik my treaste, wûnderlik en blier,

sa wol ik graach mei jim, myn leafsten, moedich

gean oer de drompel fan it nije jier.

2 Wol al it âlde noch ús hert ferniele,

en komt fertriet ek hjoed noch op ús ta,

o Hear, jou oan ús rêsteleaze sielen

it heil dat Jo foar ús ornearre ha.

5 Lit no de kearsen waarm en helder skine,

troch Jo ús jûn tsjin alle tsjustere macht,

jou, as it kin, dat wy inoar wer fine.

Wy witte ’t wol, jo ljocht skynt yn ’e nacht.

6 En falt de djippe stilte om ús hinne,

fan iensumheid en hopeleas fertriet,

wol ús dan jaan dat we_oeral hearre kinne

it lofliet dat rûnom oer de_ierde giet.

7 Troch goede machten trou en stil behoede,

is dit ús treast, wat moarn ek komme mei,

Gods hân sil ier en let ús gongen stjoere,

want Hy is mei ús elke nije dei.

Gebed bij de Skriftlêzingen

Skriftlêzing: Psalm 24 (De geweldige kening)

1 In Davidspsalm.

Fan de Heare is de ierde mei al wat derop is,

de wrâld en dy’t har bewenje.

2 Want Hysels hat har op ’e seeën grûndearre

en op ’e wetterstreamen oerein set.

3 Wa mei de berch fan de Heare opgean?

Wa mei stean op it stee fan syn hillichdom?

4 Dy’t skjinne hannen hat en in suver hert,

dy’t syn sinnen net set op dingen-fan-neat

en dy’t gjin eed docht mei bedragerij,

5 dy wint segen fan de Heare

en rjocht by de God dy’t him útrêdt.

6 Dat binne minsken dy’t nei Him freegje,

dy’t jo geunst sykje, God fan Jakob.

7 Poarten, til jimme bôgen op,

oerâlde tagongen, riis omheech,

dan kin de geweldige Kening yngean!

8 Wa is dy geweldige Kening?

De Heare, sterk en manmoedich,

de Heare, manmoedich yn ’e striid.

9 Poarten, til jimme bôgen op,

oerâlde tagongen, riis omheech,

dan kin de geweldige Kening yngean!

10 Wa is dy geweldige Kening?

De Heare Almachtich,

dat is de geweldige Kening.

* Liet 90a

1 O God, ús foarteam droegen Jo

yn nacht en stoarmgebrûs,

bewiis ek ús jo macht en trou,

wês ivich ús tehûs.

2 De hilligen tichtby jo troan

wien’ feilich yn jo skaad,

sa fiele wy jo hoede_aloan

en stean wy hún en haat.

3 Ear’t Jo de wrâld en ’t himelwiid

ta wêzen roppen ha,

foel alle macht oer romte_en tiid

fan ivichheid Jo ta.

4 En tûzen jier binne_as de dei

fan juster yn jo each,

ús oeren gean en wurde wei,

as ’t libben yn in fleach.

5 De tiid nimt alle minsken mei,

it is in stadige stream;

sy gean de blommen efternei,

ferfleane as in dream.

6 O God, ús foarteam droegen Jo

yn iuwen fol gebrûs,

wês ús in liedsman hjir en no

en ivich ús tehûs.

Ferkundiging

* liet 146a: 1,7

1 Kom, lit ús optein sjonge

in bliid en fleurich liet,

foar Him dy’t al ús gongen

bestjoert mei wize ried.

Ik sjong myn God en Heare

in lofsang ta fan de_ierd’.

’k Wol Him fan herten earje

dy’t altyd mei my giet.

7 Hoe soe ik, lyts en himpen,

myn God de eare jaan?

Hy yn syn hege timpel,

ik yn myn ierdske dwaan.

Mar Jo wolle_oan my tinke,

myn Heare_en myn behâld,

dêrom lit ik wjerklinke

jo lof oer hiel de wrâld.

Gebeden

Ynsammeling

* liet 435: 1,3

1 Jim, poarten, jou no paad en romt’.

Wa is it dy’t de stêd yn komt?

In kening fol fan majesteit,

in Heilân fol barmhertichheid.

Hy bringt ús heil en libben oan;

sjong bliid en doch Him earbetoan.

Lof Him, ús God en Hear,

myn Skepper, grut yn ear.

3 Loksillich is de stêd, de grûn,

dêr’t dizze kening tagong fûn;

loksillich ’t hert dat iepenstiet

en dizze kening yngong biedt.

Hy is it ljocht, de blide dei.

Doch wei, wat Him noch keare mei.

Lof Him, ús God en Hear,

myn Treaster fan alear.

Segen